Anuncian chuvias...que non acaban de chegar, cambio de tempo, cambio de ánimo e disposición...
Expectativas.
Dispostos a volver. collemos folgos, preparámonos a disfrutar da estación que se aveciña, con novas cores, novos olores e novos sabores.
Benvidos. Comezamos a singradura, con incertidume, con enerxía, con esperanza e ilusión no porvir...
sentimentos encontrados mais firmes propósitos de servir de apoio aos que nos rodean.
Compartindo vivencias desde estas páxinas.
Para empezar retomamos a reflexión e traballo con refráns comezada no curso pasado.
Para estes días son axeitados por ex. estes:
San Miguel das uvas maduras, moito me tardas e pouco me duras, En setembro, vendima correndo. Setembro ou leva as pontes ou seca as fontes. Temperá é a castaña que por setembro regaña.
Choupín choupiñeiro, onde está o teu compañeiro?
A horta de outono mantén o seu dono
(É evidente a verdade do refrán como se ve nas fotos tiradas en novembro deste ano)
Tamén vos poño foto dos figos migueleños, todo azucre, que están agora en sazón.
O San Miguel foi o 29 de setembro.
É tempo de apañar as castañas, que foron caendo dos ourizos regañados, de secalas e de facer o magosto.
Para os de 2º Bac, vou poñer un enlace ao vídeo sobre a gheada.