É o mes do San Xosé, algún ano de Semana Santa, tempo de facer a poda nas viñas, de comezar outros labores do campo para ir preparándoo para sementar. O tempo é cambiante, con raiolas de sol e tamén frío, choiva. Van chegando paxaros coma o cuco ou espertando outros animais do letargo invernal.
Póñovos logo algúns: Marzo marzán, pola mañá cara de rosas pola tarde cara de can. Quen en marzo non poda a súa viña, perde a vendima. No mes de marzo e abril, o cuco ha de saír, se ós tres meses non volveu é porque morreu. O que en marzo non fende en abril non estende. Cobras en marzo, neves en abril.
O sol de marzo mata a dama no palacio, o de abril mata o porco o cubil e o de maio mátao no pasto (recollido en Sarria).
E como este mes é un mes de mulleres, póñovos enlace ao artigo de La Voz de Galicia sobre 20 mulleres da cultura en Galicia.
Tamén poño enlace ao interesante artigo de Iria Veiga en Nós, diario, para que vexan eses que consideran as feministas unhas radicais ou obsesas que repiten sen razón un mantra. Segue habendo no mundo razóns para o feminismo, e por iso é necesario seguir coa loita pola visibilidade e polo futuro, polas nosas fillas.
Tamén poño enlace a outra nova relevante relativa ao galego en La Voz de Galicia.
Recomendo tamén o interesante artigo sobre unha moza galego-alemá en La Voz de Galicia.
