Quero compartir convosco unha importante nova sobre a situación do galego publicada en Nós, diario.
Tamén vou poñer un poema de Cunqueiro co título "Deica abril", de Herba de aquí e acolá, que tomei prestado para a entrada.
Abril lémbranos o paso do tempo, a vida que repite o seu ciclo e se renova coa primavera.
Engado tamén algúns refráns deste mes: A auga de abril enche o carro e o carril (e vista a mudanza do tempo, habería que dicir: así sexa1), Abril e maio son a chave de todo o ano, Abril frío e mollado enche o celeiro e farta o gado, Garda do pan pra maio e da leña pra abril (É curioso que neste último aparece un artigo partitivo, semellante ao do francés. Ex. manger du pain).
Máis refráns sobre o tempo no blog enribademelqueiroas.blogspot.com, nas entradas de xuño de 2014.
Máis sobre o Consello de Europa e o galego en https://www.nosdiario.gal/articulo/lingua/diplomacia-do-galego-gana-batalla-ue/20210414230108119564.html
