Ten mural na parede xunto á capela de San Lázaro, exposición en paneis en distintas zonas, traballos dos escolares dos distintos centros sarriaos que gustosos recitaron os seus poemas e posaron a carón do mural, o parvulario xa lle puxo o seu nome ao centro, Eloi Caleiro dedicoulle un disco. A cousa foise animando e participaremos nos actos de celebración na Casa de Cultura nos próximos días.
Bonita exposición a da Panadería Pallares!
Penso que a autora suscitou un enorme interese e mellorou o coñecemento da súa obra, malia os atrancos derivados do tardío nomeamento para dedicarlle a efeméride e da pandemia.
Van saíndo artigos sobre ela nos xornais así como novos libros sobre a autora. Póñovos enlace a un artigo de Nós diario sobre a súa figura.
E a unha entrevista ao fillo de Xela, Darío Gil en El Progreso.
Moi interesante o traballo realizado polos institutos que deu como resultado o documental "Vencerse é cousa de se tratar". Parabéns aos compañeiros profes e a todos os participantes.
Ademais, estes días tamén saíu unha interesante nova que afecta ao galego, tendo que ver co seu avance e futuro. Poño tamén enlace a ela.